Borussia Dortmund ka arritur të marr fitore në derbi ndaj Bayer Leverkusen me rezultat 1-0 në kuadër të xhiros së parë të Bundesligës.

Milionerët e nisën më mirë takimin, duke rrezikuar që në start portën e aspirinave.

Karim Adeyemi gjuajti bukur, por topi goditi shtyllën dhe u ndal në vijë, ku nga afër Marco Resu shtyu topin në rrjetë për 1-0.

Në minutën e 20-të ishte Patrick Schick që tentoi të shënojë, por pa sukses.

Reus dhe Jude Bellingham rrezikuan në fraksionin e parë për Dortmund, por rrjeta nuk u gjet.

Me të filluar pjesa e dytë ishte Thorgan Hazard që rrezikoi, por portieri Lukas Hradecky bëri pritje të madhe.

Schick ishte rrezik konstant për portën e Dortmund me dy raste në minutat 53’ dhe 63’, por që nuk arriti të shënojë, pasi gjuajtjet e tij u ndalën nga portieri vendas.

Bayer Leverkusen gjeti golin në minutën e 81-të, por që u anulua për pozitë jashtë loje.

Marius Ëolf i Dortmund rrezikoi në minutën e 85-të, por as ky nuk ishte i saktë.

Deri në fund gola më nuk kishte dhe Borussia Dortmund mori tri pikë në ndeshjen hapëse për ta në Bundesliga. /Telegrafi/